Թղթադրամ

Թեմա՝ Առևտրի, փոխանակման, ֆինանսական միջոցներ Ենթաթեմա՝ Առևտրի պարագաներ Տեսակ/ժանր՝ Թղթադրամ Բնօրինակի անվանում՝ Двести пятьдесять рублей Թանգարան՝ Կապանի երկրագիտական թանգարան Նկարագրություն ՝ 1918 թվականի փետրվարին Անդրկովկասում՝ այդ թվում նաև Հայաստանում, շրջանառության մեջ դրվեցին Անդրկովկասյան կոմիսարիատի դրամանիշերը՝ բոները: Թղթադրամի արտաքին երեսին պատկերված են ճարտարապետական էլեմենտներ՝ սյուներ և տանիք, որոնց վրա արված են զարդանախշեր: Վերևի մասի կենտրոնում իրար դիմաց կանգնած թռչուններ են: Անդրկովկասյան կոմիսարիատի բոների ուրվագծերի հեղինակն է ճանաչված ճարտարապետ՝ Գաբրիել Տեր-Միքելովը (Գ. Տեր-Միքելյան): Կենտրոնում գրված է « Двести пятьдесять рублей », ներքևում ՝ 1918 г.: Թղթադրամի վրա եղած անհատական համարն է՝ ЗД-5073: Զետեղված են նաև Կոմիսարիատի նախագահի և ֆինանսների կոմիսարի ստորագրությունները: Հետևի երեսին, օվալաձև շրջանակների մեջ շրջանառության մեջ պարտադիր լինելու վերաբերյալ մակագրությունը ներկայացված է երեք լեզվով՝ հայերեն, վրացերեն և ադրբեջաներեն: Թղթադրամի հետևի երեսին զարդանախշերը արված են կապույտ գույնով: Կենտրոնից աջ և ձախ գրված « 250 рубли»-ին նույնպես արված է կապույտ գույնով:: Այս շարքի թողարկումը ուշագրավ է նրանով, որ սրանք փաստացի առաջին թղթադրամներն են, որոնց վրա առկա են հայերեն մակագրություններ: Լայնություն (սմ)՝ 10.2 Երկարություն (սմ)՝ 16.6 Նյութը՝ Թուղթ Արտադրողի անվանումը՝ Անդրկովկասյան ֆեդերացիա Ստեղծման/Արտադրման վայրը՝ Անդրկովկաս Հայտնաբերման վայրը՝ Հայաստան, Սյունիք Ստեղծման/Արտադրման ժամանակը՝ 1918 թվական Պահպանման վայր՝ Հայաստանի Հանրապետություն Շիֆր՝ ԿԵԹ Հիմնական հաշվառանիշ՝ Մ-706 Բաժնեհաշվառանիշ՝ Դ-101

Facebook Twitter Google+

Թանգարանի այլ ցուցանմուշներ (բոլորը)