Գորգ

Գորգ

Թեմա՝  Գործվածք Ենթաթեմա՝  Հաստոցագործ ավարտուն իրեր/պարագաներ Տեսակ/ժանր՝  Գորգ Բնօրինակի անվանում՝  Դասական վիշապագորգ Թանգարան՝  Սարդարապատի հուշահամալիր. Հայոց ազգագրության և ազատագրական պայքարի պատմության ազգային թանգարան Նկարագրություն ՝  Դաշտի կարմիր հիմնագույնի վրա պատկերված են բեկբեկուն գծերով ժապավեններ, որոնք իրար հատվելով կազմում են շեղանկյունիներ: Դրանց յուրաքանչյուրի կենտրոնը, ինչպես նաև միացման կետերը զարդարված են համաչափ, սակայն միմյանցից տարբեր, չկրկնվող 7 արմավենյակներով, գործված վերին աստիճանի նրբությամբ և գեղարվեստական վարպետությամբ: Կենտրոնական մասում պատկերված են 2 խոշոր վիշապապատկեր, որոնք բնորոշ են 14-15-րդ դդ. դասական վիշապագորգերին, ինչպես նաև վիշապ հիշեցնող 4 պատկերներ: վերոհիշյալ 2 խոշոր վիշապապատկերները կիսով չափ պատկերված են նաև գորգի դաշտի վերևի հատվածում: Դաշտը լրացված է նաև խոշոր վարդյակներով: Վարդյակներից մեկը, որը եզերված է վիշապների մանր պատկերներով: Գոտևորում է 3 եզրագոտի: Կենտրոնական լայն գոտու փղոսկրագույն հիմնագույնը հարդարված է իրար կցված 4 վիշապների պատկերներով, որոնք կարծես թե «սվաստիկա» են հիշեցնում: Նրան հարող 2 նեղ զարդագոտիները՝ արտաքինը կարմիր հիմնագույնով, ներքինը՝ դեղին, հարդարված են ալիքաձև ժապավենով: Լայնություն (սմ)՝  257 Երկարություն (սմ)՝  530 Նյութը՝  բուրդ, բամբակ Ստեղծման/Արտադրման վայրը՝  Սյունիք-Արցախ Հայտնաբերման վայրը՝  Էջմիածին Ստեղծման/Արտադրման ժամանակը՝  17- 18-րդ դ. Հայտնաբերման ժամանակը՝  07.05.1988թ. Նվիրատու՝  Գևորգ Բաքրջյանից Պահպանման վայր՝  Հայաստանի Հանրապետություն Պահպանող՝  Սարդարապատի հուշահամալիր. Հայոց ազգագրության և ազատագրական պայքարի պատմության ազգային թանգարան Շիֆր՝  ՀԱՊԹ Հիմնական հաշվառանիշ՝  7013 Բաժնեհաշվառանիշ՝  Գ-3087
Թանգարանի այլ ցուցանմուշներ (բոլորը)
Երաժիշտները Սարդարապատի հուշահամալիր. Հայոց ա... Խմբանկար Հայ անվանի դերասան Ի... Սարդարապատի հուշահամալիր. Հայոց ա... Նեգատիվ Ապահովագրական վկայագ... Սարդարապատի հուշահամալիր. Հայոց ա... Այլ Քրեղանի բեկորներ Սարդարապատի հուշահամալիր. Հայոց ա... Կավե Սափոր՝ կափարիչով Սարդարապատի հուշահամալիր. Հայոց ա... Սափոր Քրեղան Սարդարապատի հուշահամալիր. Հայոց ա... Թաս