Դաշնամուրի մոտ

Դաշնամուրի մոտ

Թեմա՝  Կերպարվեստ Ենթաթեմա՝  Գեղանկար Տեսակ/ժանր՝  Դիմանկար Թանգարան՝  Հայաստանի ազգային պատկերասրահ Նկարագրություն ՝  Ռոբերտ Ֆալկը ռուսական ավանգարդի ամենավառ ներկայացուցիչներից է: 1964 թ. Երևանում բացվել է նրա ստեղծագործությունը լայնորեն ներկայացնող ցուցահանդես, որն առաջինն էր նկարչի հանդեպ ծավալված հալածանքի տարիներին։ Ռոբերտ Ֆալկը սկսել է իր ստեղծագործական ուղին «Բուբնովի վալետ» միավորման նկարիչների շրջանում: Նրանք ակտիվորեն յուրացնում էին Պոլ Սեզանի սկզբունքերը և ձևափոխում ժամանակակից արևմտյան վարպետների նվաճումները, հենվելով նաև ժողովրդական արվեստի վրա: Ֆալկի վաղ աշխատանքները, որոնց թվին է պատկանում նաև «Կինը դաշնամուրի մոտ» կտավը, գրավում են վեհաշունչ քնարականությամբ: Հետազոտողները նկարչի այդ ոճը որակում են որպես «քնարական կուբիզմ»: Ֆալկը յուրովի կերպափոխում է կուբիստական ձևերը, դրանց հիման վրա ստեղծում պլաստիկական նոր կառուցվածք, որը մշակում է իբրև յուրատեսակ երաժշտական թեմա վարիացիաներով: Երաժշտության դերը Ֆալկի կյանքում չափազանց մեծ էր, նրա ամեն մի նկար ստեղծվել է ոչ միայն կերպարվեստի, այլև հնչյունային հարմոնիայի կանոններով: «Կինը դաշնամուրի մոտ» դիմանկարում նույնպես գերիշխում են կուբիստական ձևերի երաժշտական ռիթմիկան ու անկյունագծերը. դա ակնհայտ է բնորդուհու գլխի թեքվածքի, իրանի և ձեռքերի շարժման, գլխանոցի ծալքերի կորագծերի, նույնիսկ պատկերի գունային լուծման շնորհիվ: Նյութը՝  կտավ, յուղաներկ Հեղինակ՝  Ֆալկ Ռոբերտ Ռաֆայելովիչ Ստեղծման/Արտադրման ժամանակը՝  1917 Պահպանման վայր՝  Հայաստանի Հանրապետություն Շիֆր՝  ՀԱՊ Հիմնական հաշվառանիշ՝  11627 Բաժնեհաշվառանիշ՝  4735
Թանգարանի այլ ցուցանմուշներ (բոլորը)
Մանրանվագներ (եռանկա... Հայաստանի ազգային պատկերասրահ Այլ Երևան (էտյուդ) Հայաստանի ազգային պատկերասրահ Բնանկար Շիկահեր կինը (Տևյաշո... Հայաստանի ազգային պատկերասրահ Դիմանկար Հեծյալ (էտյուդ) Հայաստանի ազգային պատկերասրահ Այլ Տոլստոյի մահը Հայաստանի ազգային պատկերասրահ Այլ Բնանկար. Գեղարդ Հայաստանի ազգային պատկերասրահ Բնանկար