Հայուհիներ
Թեմա՝ Կերպարվեստ Ենթաթեմա՝ Գեղանկար Տեսակ/ժանր՝ Դիմանկար Թանգարան՝ Հայաստանի ազգային պատկերասրահ Նկարագրություն ՝ Նկարիչ Սարգիս Խաչատուրյանին ժամանակակիցներն անվանել են «Հայոց վշտի երգիչ»: Նրա վրձինը թախծոտ քնարի նման երգել է համազգային վիշտը, աշխարհին պատմել հայոց պատմության ողբերգական էջերը: Հռոմում և Փարիզում ուսումնառությունից հետո նկարիչը վերադարձել և հաստատվել էր Կարին քաղաքում, երբ վրա հասան եղերական իրադարձությունները: Թուրքերից հազիվ փրկվելով՝ նա ապաստանել է Թիֆլիսում, որտեղ անդամագրվել է Հայ արվեստագետների միությանն ու ակտիվորեն մասնակցել գեղարվեստական կյանքին: Այստեղ բացված ցուցահանդեսներին նա ներկայացրել է գաղթականներին նվիրված իր կտավները, որտեղ հայ կանանց աչքերում բյուրեղացել են ազգի ցավն ու մորմոքը: 1920-ականների նրա գործերի հիմնական թեման լուսեղեն գունապնակով վրձնած հայկական բնանկարները, գաղթականների կերպարներն ու տոնախմբություններն են, որոնք ունեն գեղարվեստական, պատմական և ազգագրական մեծ արժեք: Նյութը՝ կտավ, յուղաներկ Հեղինակ՝ Խաչատուրյան Սարգիս Կարապետի Ստեղծման/Արտադրման ժամանակը՝ 1916 Պահպանման վայր՝ Հայաստանի Հանրապետություն Շիֆր՝ ՀԱՊ Հիմնական հաշվառանիշ՝ 16315 Բաժնեհաշվառանիշ՝ 6229Թանգարանի այլ ցուցանմուշներ (բոլորը)
