Հուշամեդալ միջազգային ֆիլատելիստական ցուցահանդեսի

Թեմա՝  Գրական, երաժշտական, թատերական, կինո և այլ հաղորդակցման միջոցներ Ենթաթեմա՝  Նշաններ /շքանշան, մեդալ, կրծքանշան, տարբերանշան, դրոշմ, կնիք և այլն/ Տեսակ/ժանր՝  Հուշամեդալ Թանգարան՝  Երևան քաղաքի պատմության թանգարան Նկարագրություն ՝  Հուշամեդալ միջազգային ֆիլատելիստական ցուցահանդեսի- դիմերեսին Արգիշտի Առաջինի դիմապատկերն է, որից ներքև գրված է ցուցահանդեսի անցկացման օրը՝ «25-27.10.2018 Երևան»: Ձախ կողմում ոճավորված սեպագիր արձանագրություն է, աջ կողմում՝ ֆիլատելիստական ցուցահանդեսի լոգոն: Այս ամենը շրջանաձև երիզված է, որից դուրս գրված է՝ «Միջազգային ֆիլատելիստական ցուցահանդես»: Դարձերեսի վերնամասում Երևանի հատակագիծն է և Երևան 2800-ի լոգոն, որից ներքև վեր է խոյանում Երևանի քաղաքապետարանի շենքը, որից էլ ներքև անգլերենով գրված է՝ «International philatelic exhibition»: Ներքևում Երևանի համայնապատկերն է՝ Արարատ լեռան խորապատկերին, վրան հայերեն և անգլերեն գրված է՝ «Երևան 2800»: Ունի դիպլոմ: Հուշամեդալը դրված է քառանկյունաձև փայտե տուփի մեջ: Ոսկեզօծ շրջանաձև հուշամեդալով պարգևատրվել է Երևանի պատմության թանգարանը Միջազգային ֆիլատելիստական ցուցահանդեսի աշխատանքներին մասնակցելու համար: Ստեղծման/Արտադրման վայրը՝  Երևան Ստեղծման/Արտադրման ժամանակը՝  2018 թ. Նյութը՝  վանակատ, մետաղ Տրամագիծ (սմ)՝  8 սմ Պահպանման վայր՝  Հայաստանի Հանրապետություն Շիֆր՝  ԵՔՊԹ Հիմնական հաշվառանիշ՝  ՄՄ 17766-9