Ռինալդո և Արմիդա

Ռինալդո և Արմիդա

Թեմա՝  Կերպարվեստ Ենթաթեմա՝  Գեղանկար Տեսակ/ժանր՝  Այլ Թանգարան՝  Հայաստանի ազգային պատկերասրահ Նկարագրություն ՝  Լուսավորության դարաշրջանի գեղանկարիչ, գրաֆիկ և փորագրանկարիչ Ժան Օնորե Ֆրագոնարը սովորել է Ժան Բատիստ Շարդենի, Ֆրանսուա Բուշեի և Կարլ վան Լոոյի մոտ: Նկարիչը 1789-94 թթ. աշխատել է Լուվրի Ազգային թանգարանում որպես ֆոնդապահ: Ստեղծագործել է Հռոմում, Վենետիկում, Նեապոլում և Փարիզում: Շարունակել է Բուշեի արվեստի ավանդույթները` տուրք տալով ռոկոկո ոճին: Պատկերել է ժանրային և գալանտ տեսարաններ, դիցաբանական հորինվածքներ, բնանկարներ և դիմանկարներ, որոնք աչքի են ընկնում կոլորիտի թարմությամբ, թեթևությամբ, նուրբ դեկորատիվությամբ, ինչը հատուկ էր ուշ ռոկոկոյին: “Ռինալդո և Արմիդա” կտավը ռոկոկո ոճի բնորոշ հորինվածք է: 16-րդ դարի իտալացի բանաստեղծ Տորկվատո Տասսոյի “Ազատագրված Երուսաղեմ” պոեմից փոխառած սյուժեն շատ տարածված էր այդ ժամանակաշրջանի արվեստում: Այն նվիրված է Առաջին խաչակրաց արշավանքին և մասնավորապես Արմիդայի և Ռինալդոյի սիրո պատմությանը: Սարակինոսների առաջնորդների դուստր գեղեցկուհի Արմիդան, հրապուրելով խաչակիր ասպետ Ռինալդոյին, նրան տանում է հեռավոր կղզի, իր կախարդական այգիները, որտեղ նա մոռանում է զինվորի իր պարտքի մասին: Մեր հավաքածուի “Ռինալդո և Արմիդա” կտավում նկարչին կարծես չի հետաքրքրել պատմական սյուժեի լիարժեք փոխանցումը: Կտավում Արմիդան պատրաստվում է սրով սպանել քնած Ռինալդոյին, սակայն երկնքում ճախրող ամուրները հեռացնում են նրա ձեռքը և Արմիդայի սիրտը խոցում սիրո նետով: Հորինվածքի քնարական մթնոլորտը ստեղծված է լուսաստվերի սահուն անցումների, ռիթմերի և գուներանգների նրբին հարաբերումների շնորհիվ: Նյութը՝  կտավ, յուղաներկ Հեղինակ՝  Ֆրագոնար Ժան Օնորե Ստեղծման/Արտադրման ժամանակը՝  անհայտ Պահպանման վայր՝  Հայաստանի Հանրապետություն Շիֆր՝  ՀԱՊ Հիմնական հաշվառանիշ՝  907 Բաժնեհաշվառանիշ՝  597
Թանգարանի այլ ցուցանմուշներ (բոլորը)
Եկեղեցի Ալեքսանդրա-Ն... Հայաստանի ազգային պատկերասրահ Բնանկար Դերձակը Հայաստանի ազգային պատկերասրահ Այլ Երևան. Կառավարական տ... Հայաստանի ազգային պատկերասրահ Բնանկար Օշական? (էտյուդ) Հայաստանի ազգային պատկերասրահ Բնանկար Պարող կինը («Ս... Հայաստանի ազգային պատկերասրահ Այլ Բնանկար Հայաստանի ազգային պատկերասրահ Բնանկար